القسم الادبي
ذكرياتك يا قلبى
مالك ياقلبى زعلان كده ليه
حيران وبتدور بين القلوب عليه
مش قلت خلاص نسيته راجع له تانى ليه؟
ليه تتعذب بقلب باعك
ليه توهم نفسك بحب خانك
ملامحه فى كل قلب مشغول عليك
لمسة ايديه فى كل سلام من اللى يحبك ويخاف عليك
كل ماقول خلاص نسيت
هافكر فى اللى دايب فيا
ومالوش فى الدنيا بعديا
الاقى طيفه قدامى
حنينه وذكرياته ماترضى تروح من بالى
اسمع كلمة بحبك من قلب يتمنانى
واسرح ببالى فى اللى جرحنى وباع اعز مالى
وهانفضل كده ياقلبى عايشين ع الماضى والجراح
هانفضل ظالمين نفسنا
وقاسيين على قلوب امنتلنا
واهى دنيا ودايرة بينا
نتجرح ونجرح
نتظلم ونظلم
لكن ايه بايدينا
ماهى دى نهايتك ياقلبى
تعيش وتتعذب من الماضى والذكريات
